ДРЖАВЕН НАТПРЕВАР ПО ФИЗИКА (19.05.2012)

 36 државен натпревар по физика за основните училишта од земјава се одржа во Пехчево, во ООУ ,, Ванчо Китанов ,,. Околу 200 ученици од сите градови од Македонија се натпреваруваа на полето на физиката, а најдобрите се закитија со награди. Натпреварот започна во 10:15 ч. со свечена акдемија на учениците од ООУ ,, Ванчо Китанов ,,, а натпреварот за отворен го прогласи градоначалникот на Општина Пехчево д-р Јованчо Станоевски.

Од седмооделенците прва награда освои Ирина Шафкуловска од Битола, втора Петар Поповски од Охрид, третата награда ја поделија Јасмина Ржаникоска од Прилеп и Душан Терзиќ од Пробиштип. Од осмооделенците, најдобар беше Андреј Поповски од Прилеп, а втората награда и третата награда им припадна на охриѓанките Сања Симовиќ и Анастасија Игњатовска. Според правилата на натпреварот учесниците, кои имаа над 90 поени се закитија со првото место, над 80 поени со 2 место, над 70 поени за трето место, а сите со освоени над 50 поени добија пофалници од друштвото на физичари, меќу кои беа и нашите ученици: Тамара Барсова и Леонид Рене Томас Караџинов.

Известувач: Филипа Сара Попова

Масти и масла

17.05.2012 Ивана и Сања (предавачи)

Масти и масла

Наоѓање на мастите и маслата

Тие спаѓаат во липиди – една од основните и најважните групи биосоединенија.

Маслата најмногу ги има во семињата или плодовите на некои растенија (сончоглед, сусам, памук, лен, бадеми, ореви). Ги има и во животинските организми (риби).

Во масното ткиво на многу животински организми се наоѓаат масти.

Состав на маслата и мастите

Тие претставуваат смеси од повеќе слични соединенија, меѓу нив најбројни се естерите на гицеролот со вишите масни киселини (глицериди).

Виши масни киселини се карбоксилни киселини со подолги јаглеродни низи. Во составот на маслата и мастите најчесто се сретнуваат:

• палмитинска киселина C15H31COOH (заситена),
• стеаринска киселина C17H35COOH (заситена),
• олеинска киселина C17H33COOH (незаситена).

Маслата се во течна, а мастите во цврста агрегатна состојба.

Заситените масни киселини во главно служат како извор на енергија. Исхраната богата со заситени масни киселини го зголемува нивото на "лошиот" холестерол во крвта, што се поврзува со зголемен ризик од срцеви болести.

Незаситените масни киселини му се потребни на човечкиот организам за изградба на разни ткива и клеточни структури. Мастите од растително потекло кои по состав се незаситени, лесно влегуваат во т.н. ХДЛ липопротеини, кои го чистат холестеролот од крвните садови и го доведуваат во црниот дроб каде што тој се преработува во жолч и потоа се излачува од организмот. На тој начин овие масти заземаат превентивна улога во спречувањето на појавата на кардиоваскуларни болести.

Незаситените масни киселини можат да бидат мононезаситени или полинезаситени масни киселини.

Својства на мастите и маслата

Полесни од вода (имаат помала густина) и не се мешаат со неа

Емулзија се добива при клункањето на епруветата со вода и масло, течноста се заматува од маслото, кое се разбива во ситни капки. По извесно време капките пак се укрупнуваат и се издвојува слојот од масло. Во епруветата во која има и жолчка од јајце, емулзијата останува непроменета. Значи, жолчката од јајцето не дозволува да дојде до слепување на честичките од маслото. Таа претставува емулгатор.

Мастите и масата се раствораат во органски растворувачи како бензин, хороформ, јаглерод тетрахлорид.. Ова својство се користи за нивно издвојување(екстракција) од растенијата од кои се добиваат. На воздух маслата и мастите се менуваат и со стоење на топол воздух и влага тие добиваат непријатен мирис.

Тоа се објаснува со нивното разложување на продукти со непријатен мирис. Такви процеси се случуваат и на кожата при потењето, па затоа треба да се одржува постојана хигиена на телото.

Ако мастите се загреваат на висока температура, се чуствува остар непријатен мирис, кој доаѓа од еден од продуктите на нивното разложување, кој се смета за канцерогена супстанца.

Јадливи масти и масла:

Масти: маргарин, путер, свинска маст

Масла: кокосово, маслиново, ореово, рибино и сончогледово.

Вe потсетуваме:

И вие имате право, да се храните здраво.

Не претерувајте со "грицки" и мрсни пијалоци.

Часот го подготвиле ОсмоБвците:

Ана Павловиќ
Ивана Панчевска
Сања Михајовска

ВОЛВО АВАНТУРА

Известување за натптпреварот:

"Volvo Adventure"

( Волво авантура)

САКАЈ ГО ЖИВОТОТ

Шарко и Жапко го спасуваат светот

   Веќе две години учествуваме на натпреварот организиран од Волво автомобилите и Обединетите Нации за Животна Средина - УНЖС (Volvo and the United Nations Environment Programme – UNEP).

Во овогодинешниот натпревар учествувавме со тим од четири ученици кои биле координатори на неколку училишни проектни активности кои имале за цел да ја подобрат училишната средина и околината во која живееме. Координаторите направиле план на активности и ги завршиле поставените обврски. Оваа година имавме голем избор на теми на кои можевме да работиме:

1. Биодиверзитет - како учениците се грижат за растенијата и животните во заедницата.
2. Отпад - да рециклираме, реупотребиме и да го намалиме отпадот.
3. Вода - како да придонесеме за заштеда и го подобриме квалитетот на водата во нашето училиште.
4. Енергија – наш придонес за намалување на потрошувачка енергијата (топлинска или електрична)
5. Транспорт - какви кампањи имаме направено за намалување на локалниот сообраќаен метеж и други теми, по избор на учениците.

Ги следевме седумте чекори за пријавување на проектот:

1. Податоци за нашиот тим и детали за прпектот;
2. Избравме тема;
3. Ги одредивме нашите цели;
4. Спроведовме истражување;
5. Напишавме план за активностите;
6. Ги опишавме нашите досегашни резултати;
7. Ги комплетиравме податоците и пријавата за нашиот проект.

Проектот го насловивме “Сакај го животот” (Loving Life), а ги опфаќаше подпроектните активности: “Македонија ризница на здрава храна”, “Вреди да се штеди”, “Употребувај повторно”, “Вода = Живот”.

Не радува што нашите долгогодишни активност извршиле големо влијание на околината иако најчесто беа со мала поддршка. На самите почетоци бевме малубројни, не нарекуваа комуналци, ни се смееја за секоја еко порака или овошен појадок, ни ги корнеа засадените дрвца, но денес се е поинаку. Денес ни се придружија сите. Познати сме по своите еколошки активности, во и надвор од Македонија.

Известувачи:

Ана Павловиќ, 

Јана Шапческа,

Сања Михајловска,

Симона Јордева.

АПРИЛИЛИЛИ

Известувач: Симона Јордева

Априлилили

        По повод Денот на шегата, 1 април, учениците од ОУ “Димитар Миладинов” Општина Центар Скопје се собраа во училишниот двор каде што учествуваа во забавната манифестација организирана од самите ученици.

       Се верува дека обичајот да се шегувате на 1- ви Април потекнува од Франција од 16 век. Пред тој период се употребувал еден календар во Европа, по кој секоја година почнувала на 1- ви Април. На тој ден луѓето славеле,се посетувале и си разменувале подароци. Потоа во 1564 година, Францускиот крал Чарлс IX, превземал нов календар и со декрет наредил секоја Нова Година да почнува на 1- ви Јануари. Многумина го следеле овој кралски декрет, но сепак постоеле и луѓе кои не го почитувале новиот указ и продолжиле да си ја слават Новата година на 1- ви Април. Наскоро овие луѓе станале мета на исмејување и трикови на нивните пријатели и соседи, само поради тоа што 1- ви Април го славеле како Нова Година. Пријателите и соседите им испраќале лажни подароци, покани за лажни забави и разни други мајтапи токму на 1- ви Април.